اہم قانون سازی کیلئے پارلیمنٹ کامشترکہ اجلاس جلد بلانے کافیصل

اہم قانون سازی کیلئے حکومت نے پارلیمنٹ کا مشترکہ اجلاس جلد بلانے کا فیصلہ کرلیا۔ قومی اسمبلی سے منظور ہونیوالے 7 بل سینیٹ سے منظور ہونا باقی ہیں۔

اہم قانون سازی کیلئے پارلیمنٹ کا مشترکہ اجلاس عید سے پہلے بلائے جانے کا امکان ہے۔ قومی اسمبلی سے منظور ہونیوالے 7 بل سینیٹ سے منظوری کیلئے پارلیمنٹ کے مشترکہ اجلاس میں پیش کئے جائیں گے۔

پاکستان میڈیکل کمیشن اور پاکستان میڈیکل ٹربیونل کا بل بھی اسی اجلاس میں پیش کیا جائے گا۔

اسلام آباد ہائیکورٹ کے ججز میں اضافے کا بل  اور ایف اے ٹی ایف قوانین سے متعلقہ بل بھی پارلیمنٹ کے مشترکہ اجلاس سے پاس کرائے جائیں گے۔

وزیراعظم کے مشیر پارلیمانی امور بابر اعوان کہتے ہیں کہ گڈ گورننس کیلئے اچھی قانون سازی ضروری ہے، بروقت قانون سازی نہ ہونے پر لوگ تکلیف اور پارلیمنٹ تنقید کی زد میں آتی ہے۔